အမှန်တကယ်ခက်ခဲနေတဲ့ မိသားစုတွေကို ကူညီပေးနိုင်ခဲ့တာကြောင့် ကြည်နူးစရာနေ့လေးတစ်နေ့ ပိုင်ဆိုင်ခဲ့ရတဲ့ ခိုင်နှင်းဝေ

 နိုင်ငံကျော် မင်းသမီးတစ်ဦးဖြစ်တဲ့ ခိုင်နှင်းဝေက တစ်ခေတ်တစ်ခါက ပရိသတ်တွေ အသည်းစွဲနေအောင် ချစ်ရတဲ့ မင်းသမီးလေးပဲ ဖြစ်ပါတယ်။ ခိုင်နှင်းဝေက အခုဆိုရင် အနုပညာလုပ်ငန်းတွေကို ဆက်လက်လုပ်ကိုင်ရင်း ပြည်သူ့အကျိုးပြု ပရဟိတလုပ်ငန်းတွေကို ဆက်တိုက်ဆိုသလို လုပ်ကိုင်နေလျက် ရှိတာကို တွေ့ရပါတယ်။ ခိုင်နှင်းဝေက “ခိုင်နှင်းဝေလူမှုကူညီရေးဖောင်ဒေးရှင်း”နဲ့ “ခိုင်နှင်းဝေရင်သွေးလေးများ ဂေဟာ” ကိုလည်း ဦးစီးတည်ထောင်ထားသလို သူမရဲ့ အနုပညာအလုပ်တွေကိုလည်း အဆက်မပြတ် လုပ်ကိုင်နေလျက်ရှိပါတယ်။

 (၇) ရက်သားသမီး အလှူရှင်တွေရဲ့ အလှူငွေတွေကို အမှန်တကယ် လိုအပ်နေတဲ့ နေရာတွေကို သွားရောက်လှူဒါန်းပေးနေတဲ့ ခိုင်နှင်းဝေက မနေ့က ဇွန်လ (၂၈) ရက်နေ့မှာတော့ မြောက်ဒဂုံ ထားဝယ်ချောင် =အမှိုက်ပုံ အနီးရှိ ချို့တဲ့သော သူများအားလှူဒါန်းခဲ့တာပဲ ဖြစ်ပါတယ်။ ခိုင်နှင်းဝေက အမှန်တကယ်ခက်ခဲနေတဲ့ မိသားစုတွေကို ကူညီပေးနိုင်ခဲ့တာကြောင့် “ကျွန်မနဲ့အလှူရှင်များအပါအဝင် အလှူခံပုဂ္ဂိုလ်များရဲ့ ကြည်နူးစရာနေ့လေးတနေ့ဖြစ်ခဲ့ရတဲ့အတွက် သာဓုခေါ်ရင်း ပီတိဖြစ်ခဲ့ရပါတယ်ရှင် 🙏🏼🙏🏼” ဆိုပြီး ပီတိဖြစ်စွာ ပြောထားပါတယ်။

ခိုင်နှင်းဝေကတော့ ချို့တဲ့သူတွေကို နှလုံးသားလှလှနဲ့ ကူညီပေးနေရင်း သူမရဲ့ဘဝကို အကောင်းဆုံးဖြတ်သန်းနေတာပဲ ဖြစ်ပါတယ်။ ပရိသတ်ကြီးလည်း ခိုင်နှင်းဝေနဲ့ အလှူရှင်တွေရဲ့ ကုသိုလ်လေးကို ဝမ်းမြောက်စွာ သာဓုခေါ်ဆိုပေးကြပါဦးနော်။
Source: Khine Hnin Wai’s fb
Bilie – Cele Connections