“ဒီရောဂါက ပေါ့လို့မရပါဘူးနော်။ လူစူပြီး နေလို့တကယ်မရပါဘူး။ လူငယ်တွေကကိုယ်ခံအား ကောင်းလို့
ခံနိုင်ရည်ရှိပေမဲ့ ကိုယ့်အိမ်ကကိုယ့်မိဘတွေ၊ အသက်ကြီးတဲ့သူတွေကိုထည့်တွက် ပေး ကြပါ။တချို့နိုင်ငံတွေမှာ အသက်ကြီးတဲ့သူတွေကို ကုမပေးတော့တာတွေရှိနေပါပြီ။ ကိုယ် ကလျောက်သွားပြီး ခံရတော့ကိုယ့်ဘေးကကိုယ်ချစ်တဲ့သူတွေ။ တကယ်ချစ်ရင် ကိုယ့်ကြော င့် ကိုယ့်မိသားစု ဒါမှမဟုတ် တခြားမိသားစုကိုဖြစ်စေ ဒုက္ခပေးသူ မဖြစ်ပါစေနဲ့” လို့ သူက ဆိုပါတယ်။
“ကိုယ့်ရပ့်ကိုယ့်ရွာကို ချစ်လို့ပြန်လာတယ်ပြောပြီး ချစ်ရာမရောက်ပဲ နှစ်ရာမရောက်ဖို့လည်း
ဂရုပြုစေချင်ပါတယ်။ ကိုယ်ချစ်တဲ့သူ ကိုယ်ရပ်ရွာကို တကယ်ချစ်ရင် တာဝန်သိတတ်မှု လူတိုင်းရှိကြရမှာပါ။ တကယ်မကြောက်ကြသေးဘူး။ တကယ်ကြောက်ရင်အိမ်ထဲကကို ထွက်မလာတော့တာ မွေးတုန်းက
လည်း တစ်ယောက်တည်းမွေးလာရတာပဲ။ တစ်ယောက်တည်းနေဆိုလည်း နေတတ်အော င်နေကြရမှာပါ” ဆိုပြီးတော့ မတ်လ ၃၀ ရက်နေ့ မနက် ၉ နာရီကျော်က သူ့ရဲ့ ဖေ့စ်ဘွတ် စာမျက်နှာမှာ ရေးသားခဲ့တာပါ။
မအေးသောင်းကိုယ်တိုင်ကလည်း COVID-19 နဲ့ ပတ်သက်ပြီး ကာကွယ်ရေးနဲ့ သက်ဆိုင် တဲ့ ဆေးပစ္စည်းတွေကို ရန်ကုန်ဆေးရုံကြီးနဲ့ အင်းစိန် ဆေးရုံကြီးတို့မှာ လှူဒါန်းခဲ့ပါသေး တယ်။သူမဟာ ၂၀၁၇ ခုနှစ်မှာ အနုပညာလောကထဲကို ပြန်လည်ဝင်ရောက်လာခဲ့ပြီး ပရိသ တ်အားပေးမှုကို ယခင်ကထက်တောင် ပိုမိုရရှိလာပါတယ်။ မအေးသောင်းဟာ ရုပ်ရှင် ဇာတ်ကားကြီးတွေနဲ့ ဇာတ်လမ်းတွဲတွေမှာအဆက်မပြတ် သရုပ်ဆောင် နေရတဲ့ မင်းသမီး ချောလေးပါ။ သူမဟာ ကိုယ်ပိုင်စီးပွားရေးတစ်ခုဖြစ်တဲ့ ရွှေချည်လွှာ နဲ့ ရွှေလွန်းသံ ပိုးထ ည်ဆိုင်တွေကိုလည်း ဦးဆောင်လုပ်ကိုင်နေသူ ဖြစ်ပါတယ်။
