အသားညိုညိုလေးနဲ့ နိုင်ငံခြားမော်ဒယ်လေးတစ်ယောက်လို လှတဲ့ မြန်မာနိုင်ငံက ထိပ်တန်းမော်ဒယ်တစ်ယောက်ဖြစ်တဲ့ မေမြတ်နိုးကတော့ ပရိသတ်တွေရဲ့ အားပေးချစ်ခင်မှုတွေကို ရရှိထားတာဖြစ်ပါတယ်။ သူမကတော့ မော်ဒယ်တစ်ယောက်အဖြစ်သာမက သရုပ်ဆောင်၊ အဆိုတော်တစ်ယောက်အဖြစ်လည်း အနုပညာလှုပ်ရှားမှုတွေကို ပြုလုပ်နေတဲ့သူတစ်ယောက်ဖြစ်ပါတယ်။ သူမကတော့ ပြီးခဲ့တဲ့ ၂၀၁၈ ခုနှစ် ဇန်နဝါရီလမှာတော့ နာမည်ကျော် ကေပေါ့အဆိုတော် G-Dragon ရေးပေးတဲ့ သီချင်းတစ်ပုဒ်ကို သီဆိုမယ်လို့ ပရိသတ်တွေကို အသိပေးခဲ့ပါသေးတယ်။
ဒါပေမဲ့ ၂၀၁၈ ခုနှစ် ဖေဖေါ်ဝါရီလ ၂၇ ရက်နေ့မှာတော့ G-Dragon က စစ်မှုထမ်းသွားခဲ့တာကြောင့် ပရိသတ်တွေကတော့ မေမြတ်နိုးရဲ့ သီချင်းအသစ်ကိုနားထောင်ဖို့အတွက် G-Dragon စစ်မှုထမ်းပြီးတဲ့အချိန်ကို စောင့်မျှော်နေကြတာလည်းဖြစ်ပါတယ်။ ယခုနှစ် အောက်တိုဘာလ ၂၆ ရက်နေ့မှာတော့ G-Dragonက စစ်မှုထမ်းတာဝန်ပြီးဆုံးပြီး သူ့ရဲ့ ပရိသတ်တွေဆီကို ပြန်လာခဲ့ပြီဖြစ်ပါတယ်။
ဒါကြောင့် ပရိသတ်အချို့ကတော့ မေမြတ်နိုးရဲ့ အင်စတာဂရမ်ပိုစ့်အောက်မှာ G-Dragon ရေးပေးတဲ့ သီချင်း ဆိုမယ့်အချိန်ကို စောင့်နေတဲ့အကြောင်းကို ကွန်းမန့်တွေ ရေးသားခဲ့ကြပါတယ်။ မေမြတ်နိုးကတော့ “no sis I got bored” လို့ပြန်လည်ရေးသားခဲ့ပြီး သူမဘက်က ပျင်းသွားတာကြောင့် မဆိုချင်တော့တဲ့အကြောင်းကို ပြသလိုက်တာဖြစ်ပါတယ်။ G-Dragon ရေးပေးတဲ့ သီချင်းသီဆိုမယ့်အကြောင်းကိုတော့ ၂၀၁၈ ခုနှစ် ဇန်နဝါရီလက We Celeb ရဲ့ အင်တာဗျူးမှာဖြေပေးခဲ့ပါတယ်။Source: We Celeb/may myat noe instagram,CRD-AUNTY MAY
